You had me taken in but now I've found you out and I won't go through that again, you've always had to win, you'll have to go without, you don't know where to stop. Go, go, go, go, go, I'll get over you, you drive me crazy, up the wall, think you're Mr Know-it-all.»
At m à infnuciâ par bèṅ ma adès a-j-ò dasquaciâ i tò tragatèṅ e a n farò più di śbali cumpàgn, at gh'iv sèmpar da vìnsar, at gh'à da far sénsa, ta n sà briśa quànd l'è óra ad dar-'g un taj. Và, và, và, và, và, a t daśmindgarò, ta m fà dvintàr mata, muntàr sù da l'arlìa, umàsa ch'at pèns ad savér tut tè.»
La Sophie Ellis-Bextor (Lóndra, 10 'd Avrìl dal 1979) l'è na cantànta dance ingléśa famóśa p'r avér dâ la vóś a 'l sìngul Groovejet (If This Ain't Love) dal DJ itagliàṅ Spiller e avér incìś da par lē soqànt braṅ ad sucès cuma Murder on the Dancefloor, Get Over You e Catch You.
Biugrafìa
Fiōla 'd un regìsta e dn'atōra, la Sophie Ellis-Bextor la patìs al divòrsi di sò genitōr a tri an.
La taca la caréra ad cantànta in dal 1997 in un grup indipendènt ingléś, i Theaudience. In dal 2000 la dà la sò vóś a 'l braṅ ad SpillerGroovejet (If This Ain't Love) sìngul ch'al mùcia sù dal sucès in gir par l'Europa ma anc in Austràglia e in dla Śelànda Nóva. Dòp èsar-'s fata cgnósar, la Sophie la taca na caréra da par lē faghénd vgnir fóra in dal 2001 'l àlbum Read My Lips par qvéi dla Polydor. Al sò prim sìngul 'l è na cover ad Cher, Take Me Home, ma l'è cun Murder on the Dancefloor e Get Over You ch'la cata 'l sucès dapartùt e al disc al vénd acsè da piò 'd un migliòṅ ad còpi.
Al 27 'd Utóbar la fà catàr in di negòsi al sò secónd lavōr in studi, Shoot from the Hip, cun dènt'r i sìngui Mixed Up World e I Won't Change You e anc na cover 'd Olivia Newton-John, Physical. In dal 2004 la s férma parchè la gh'à 'd avér al sò prim fiōl, Sonny.
In dal 2007 a véd la luś Trip the Light Fantastic, al sò tèrs àlbum, cuciâ in élt da 'l sìngul Catch You. Dòp 'n EP dal 2009, in dal 2011 la regìsta al sò quàrt disc, Make a Scene.
Discugrafìa
Àlbum
2001 - Read My Lips
2003 - Shoot from the Hip
2007 - Trip the Light Fantastic
2011 - Make a Scene
2014 - Wanderlust
EP
2009 - Sophie Ellis-Bextor: iTunes Live in London Festival '09
Sìngui
2000 - Groovejet (If This Ain't Love) - sìngul ad Spiller cun lē a la vóś
2001 - Take Me Home
2001 - Murder on the Dancefloor
2002 - Get Over You/Move This Mountain
2002 - Music Gets the Best of Me
2003 - Mixed Up World
2003 - I Won't Change You
2005 - Circles (Just My Good Time) - insém a i Busface
2007 - Catch You
2007 - Me and My Imagination
2007 - Today the Sun's on Us
2007 - If I Can't Dance
2009 - Heartbreak (Make Me a Dancer) - insém a i Freemasons
2010 - Can't Fight This Feeling - insém a Junior Caldera